Rrëfimi i një nëne me djalin pjesë e spektrit autik: Ka pasion të këndojë, jam e vendosur ta mbështesë

Në emisionin Health O’clock këtë të diel në Euronews Albania, me moderatore Bruna Cami, ka qenë e ftuar nëna e një fëmije me spektër autik. Zonja Mine, e ftuar në emisionin e shëndetit, ka folur për eksperiencën e saj me djalin dhe për pasionet e tij, të cilat ajo ka vendosur t’i ndjekë me shumë përkushtim dhe vullnet.

Nëna: Djali është mirë, ka arritur të jetë social dhe falënderoi të gjithë shokët e klasës, shoqet dhe mësuesen, të cilët e kanë ndihmuar shumë. Ai gjithmonë ka qenë me një shoqëruese që e ka ndihmuar. Edhe klasa, për fat të mirë, më ka qëlluar shumë e mirë, shumë mbështetëse.

Gazetarja Bruna Cami: Cilat janë pasionet e tij?

Nëna: Pasionet e tij janë… është te kantoja. Ka një zë shumë të bukur. Por duhet thënë se te fëmijët me spektër nuk punohet si me të gjithë fëmijët e tjerë. Gjëja që na mungon është një profesionist i asaj fushe që duhet ta ndjekë. Në kanto nuk ka një profesionist. Unë e ndjek në ëndrrën e tij. Është pak më e vështirë të punosh me një fëmijë me spektër.