‘Rithemelimi, detyrim madhor’, Berisha: PD ka nevojë për një ndryshim të madh

Kryetari i Partisë Demokratike, Sali Berisha thotë se rithemilimi i kësaj force politike është detyrim madhor, i çdo demokrateje dhe demokrati.

Gjatë fjalës së tij në mbledhjen e Këshillit Kombëtar të Partisë Demokratike, Berisha u shpreh se kërkohet një ndryshim i madh i kësaj force politike, për të fituar mendjet dhe zemrat e qytetarëve shqiptarë.

“Ne miratojmë këtu, rregullat në përputhje me statutin e PD-së, të zhvillimit të primareve të zgjedhjeve vendore dhe disa prej tyre janë të njëjta me ato të zgjedhjes së deputetëve. Ne shënojmë një hap të madh, si forcë politike e rithemeluar. Unë kërkoj nga ju, që termin rithemelim, të mos e lexojmë si një mëmnyrë mtonën.

Termin rithemelim, duhet ta lexojmë dhe ta kuptojmë si një detyrim madh i çdo demokrateje dhe demokrati, për të bërë gjithçka, që forca jonë politike t’u paraqitet shqiptarëve mbi parimet e saj të vërteta, si një forcë e rithemeluar. Detyra më kryesore është të fitojmë mendjet dhe zemrat e qytetarëve shqiptarë. Kërkohet një ndryshim i madh, proces në të cilin jemi sot. Për t’u paraqitur si një forcë vërtet e ndryshuar”, theksoi kryedemokrati.

LEXONI GJITHASHTU

• ‘Shtëpia e Lirisë’, Spahiu: Berisha me parti të re në zgjedhje, Alibeaj merr PD-në
• Berisha: S’takohem me Yuri Kim-in pa më kërkuar falje, të respektojë votën në PD
• “Kjo do jetë vjeshta e protestave”, Berisha- demokratëve: Ngrihuni kundër qeverisë