Fillimi vitit 2024 në F1 rikrijoi idenë se Max Verstappen dhe Red Bull do të ishin sërish forca lëvizëse e botërorit të shpejtësisë. Mirëpo pas disa fitoreve të para, diferencat me ndjekësit filluan të mbyllen dhe holandezi bashkë me austriakët u ndjenë të kërcënuar nga disa prej rivalëve.
Aktualisht janë 6 pilotë që kanë fituar të paktën një garë në pjesën e parë të sezonit ndërsa Red Bull duhet të luftojë fort në të dytën nëse dëshiron të ruajë kryesimin në kampionatin e konstruktorëve. Por cilët janë ata që mund të zbresin nga froni binomin Max-Red Bull?
Pilotët:
Lando Norris – Njeriu që përbën kërcënimin më të madh për Verstappen si në formën që po kalon por edhe statistikat e pjesës së parë të botërorit. Aktualisht është i dyti në klasifikim.
Charles Leclerc – Bëri mirë në 14 garat e para duke qënë i treti në një sezon të miksuar me gabimet e tij dhe të skuadrës që përkthehet me 177 pikë, 22 pas Norris dhe 100 nga Verstappen.
Oscar Piastri – Australiani është në vendin e 4 me 10 pikë më pak se Leclerc por forma që ka treguar në garat e fundit duke përfunduar gjithnjë në podium, përfshi dhe fitoren në Hungari mund ta favorizojë të ngjitet më lart në klasifikim.
Carlos Sainz – Një sezon jo i thjeshtë për spanjollin brënda dhe jashtë pistave duke filluar që nga humbja e kontratës me Ferrari-n për vitin 2025. Ndërhyrja kirurgjikale për apandesitin në Arabinë Saudite dhe një fitore e pabesushme dy javë më pas në Australi… Një pilot që me makinën e duhur ka treguar se mund të shkojë larg.
Lewis Hamilton – Ringjalli sezonin e tij me garat e fundit në mbyllje të pjesës së parë. Fitorja në Silverstone, një tjetër për shkak të vendimeve të gabuara të skuadrës në dëm të Russell dhe disa podium duket se e kthyen Hamilton në kohët e tij më të mira.
Skuadrat:
McLaren – Beteja për titullin e konstruktorëve është akoma më interesante për shkak të kërcënimit të Red nga McLaren që me Norris dhe Piastri-n parakaluan Ferrari-n në vendin e dytë.
Ferrari – Pas McLaren qëndron Scuderia me 21 pikë më pak dhe 63 larg nga Red Bull. Italianët pësuan një rënie të lehtë pas nisjes së mirë të sezonit.
Mercedes – Me 142 pikë më pak se Red Bull kur duhen 10 gara deri në fund, shanset e Mercedes për titull janë statistikisht më të ulëta se McLaren dhe Ferrari. Ndërkohë Hamilton thotë se titulli i konstruktorëve është diçka e mundshme.
LEXONI GJITHASHTU:
