RMV, policia dhe prokuroria marrëveshje për bashkëpunim kundër kriminelëve

Policia dhe Prokuroria në Maqedoninë e Veriut kanë arritur një marrëveshje për heqjen e burokracive dhe rritjen e bashkepunimit mes tyre me qëllim lëhtësimin e procedurave për personat e akuzuar për krime të ndryshme.

“Kemi vërejtur se ka disa hapsira në procedurën penale, në komunikimin ndërinstitucional. Në të gjithë duam ti shohim kriminelët sa më shpejtë pas hekurave. Jam i bindur se protokolli do të përshpejtojë procesin por ne duhet ta bëjmë këtë të mundur”, tha Kilian Vall, ambasador i OSBE së në Shkup.

Ministri i Brendshëm, Oliver Spasovski tha se policët do të kenë kontakt direkt me prokurorët të cilëve do tua dorëzojnë provat në kohë reale dhe kështu do të ketë sukses në ndjekjen e veprave penale.

“Zbatimi i ligjeve për të luftuar krimin nuk mund të varet nga rrethanat apo kushtet në të cilat mund të dëmtohen hetimet. Qëllimi jonë i përbashkët është gjetja, dëshmia, dhe pengimi i veprave penale dhe zbatimi i përpiktë i procedurës penale duke mbajtur llogari për mbrojtjen e të drejtave të viktimave, të dyshuarve apo akuzuarve”, u shpreh ai.

Kryeprokurori Lubomir Joveski thotë se ky protokoll do të ndikojë edhe në përmirësimin e imazhit të gjyqësorit që gëzon shumë pak besim nga qytetarët.

“Besimi i ulët në sistemin gjyqësor vërtetë është shqetësues por ky është perceptimi i opinionit. Në raportin e vjetshëm të DASH nuk kemi patur kritika por të jem i sinqertë, skemi as lëvdata. Duhet të punojmë më shumë edhe në të qenit të hapur me opinionin që ta kuptojnë natyrën e punës tonë”, theksoi ai.

Gjatë vitit të kaluar në adresë të Prokurorisë së Maqedonisë së Veriut kanë ardhur rreth 20 mijë kallëzime penale, prej të cilave 70 përqind nga policia. Sipas Prokurorisë, shumica e këtyre lëndëve apo rreth 20 mijë janë duke u proceduar.

LEXONI GJITHASHTU

• Rritet me 15 për qind çmimi i energjisë elektrike në Kosovë
• Konjufca: DASH-i na garantoi, nuk do ketë Asociacion që cenon sovranitetin e Kosovës