Cristiano Ronaldo do të jetë lojtari i parë që merr pjesë në gjashtë Kampionate Evropiane. Trajneri i Portugalisë, Roberto Martinez, ka theksuar rëndësinë e pranisë së Ronaldos në skuadër, duke e vlerësuar përvojën dhe udhëheqjen e tij.
Me 128 gola në 204 ndeshje me kombëtaren, Ronaldo mbetet golashënuesi më i mirë në historinë e futbollit. Edhe pse transferimi i tij në Arabinë Saudite vitin e kaluar ka ngritur pyetje mbi fundin e karrierës së tij, Martinez beson se ylli i Al-Nassr ende ka shumë për të ofruar.
“Cristiano ka pasur performanca shumë të qëndrueshme në klubin e tij. Nuk ka dyshim se ai është një golashënues i jashtëzakonshëm,” tha Martinez.
Portugalia do të fillojë fushatën e saj në Euro 2024 në Grupin F, duke u përballur me Republikën Çeke, Turqinë dhe Gjeorgjinë. Martinez theksoi se përvoja e Ronaldos do të jetë thelbësore për ekipin, duke.
“Nuk ka lojtar tjetër në botën e futbollit që mund të sjellë atë që Cristiano sjell në dhomën e zhveshjes, ai motivon lojtarët të japin maksimumin e tyre ne fushë. kjo e bën atë të veçantë ” tha ai.
Pjesëmarrja e Ronaldos në gjashtë Kampionate Evropiane është një rekord i lojtarit , duke e bërë atë një nga figurat më të rëndësishme për futbollin ndërkombëtar dhe për skuadrën portugeze në këtë turne.
LEXO GJITHASHTU:
- Gjermania rrit masat e sigurisë për Kampionatin Evropian të Futbollit
- Ronaldo tjetër rekord në Arabi, portugezi shpallet golashënuesi më i mirë
