Ronaldo tjetër rekord në Arabi, portugezi shpallet golashënuesi më i mirë

Mosha është thjesht numër, por edhe më të lartë janë numrat në fushën e lojën, për CR7 i cili vijon të thyejë rekorde. Portugezi ka lënë pas një sezon fantastike me Al Nassr, ku dhe u shpall golashënuesi më i mirë i Saudi pro League. Pavarësisht se skuadra e tij nuk mundi të fitojë titullin, duke u dorëzuar përballë Al Hilal, Ronaldo në aspektin personal ishte i jashtëzakonshëm. 39-vjeçari e mbylli në mënyrën më të mirë të mundshme duke shënuar dopietë ndaj Al Ittihad.

Al Nassr u rendit në vendin e dytë me 82 pikë, 14 më pak se Al Hilal që u shpall kampion, ekip që nuk pësoi asnjë humbje gjatë gjithë sezonit në ligë. Sa i përket golashënuesve në vendin e parë është Ronaldo, i ndjekur nga Mitroviç e Sakala, ndërsa nuk mbeten pas as shokët e skuadrës Talisca e Mane. Kjo është hera e parë që një lojtar realizon kaq shumë gola në një sezon të vetëm të kampionatit arab.

Tanimë Ronaldo numëron një shifër prej 893 golash të realizuar në karrierë, ku edhe pse 39-vjecar duket se nuk po e mendon tërheqjen nga futbolli i luajtur.

LEXONI GJITHASHTU:

• 1200 ndeshje në karrierë, Ronaldo vendos një tjetër rekord
• Cristiano Ronaldo përballet me një padi prej 1 mld dollarësh për reklamat e kriptove