Rrëfehet vajza e Mentor Çokut: Të ishte babai president, Shqipëria do ishte ndryshe

Vajza e Mentor Çokut, Valbona Mirakaj, e cila  internua në moshën 16-vjeçare ka rrëfyer mes emocionesh jetën e vështirë në kamp dhe momentin që fitoi lirinë pas 30 vitesh, ku dhe pa për herë të parë babanë e saj që e kishte lënë një muajsh.

Për emisionin “Real People” ajo theksoi se babanë e saj e kishin propozuar për president, duke theksuar faktin se po të ishte ai president Shqipëria do të ishte ndryshe.

Ajo tha se i ati e donte me shpirt Shqipërinë, saqë dhe vetë Valbona bëhej xheloze për këtë fakt.

“Më merrte babi te zyra, më përkëdhelte sikur të isha kalama i vogël.  Dëgjova para dy vitesh një intervistë të Berishës që tha, u propozua që të bëhej president Mentor Çoku president por më zgjodhën mua . Do të kishte fat ky vend po të ishte babi im president. E donte me shpirt këtë vend, habitesha. I thosha avash o ba se sa jemi parë.  E vetmja gjë që bëhesha xheloze për të ishte Shqipëria”-tha ajo.

Kush është Mentor Çoku

U lind në Elbasan më 1914, i biri i Hamdi bej Ohrit të Iljaz Pashë Dibrës dhe një zonje Toptanase. Shkollimin e lartë e ndoqi dhe e kreu në Milano dhe fillon studimet në Fakultetin Juridik mes viteve 1936 e 1940.

Më u bë deputet i Ohër-Strugës në Asamblenë Shqiptare të viteve 1943 dhe 1944. U angazhua në trevën e prejardhjes t’i nxiste vendasit t’i bashkangjiteshin lëvizjes Lidhja e Dytë e Prizrenit. Në nëntor të 1944 u arratis drejt Italisë.

Pas ndryshimeve politike në Shqipëri me rënien e komunizmit, shërbeu si mik dhe këshilltar i qeverive shqiptare, promovoi partitë e reja në perëndim. Bëri ç’kishte të mundur që të flitej për çështjen shqiptare në qarqet diplomatike si lindore, si perëndimore.

Ndërroi jetë më 14 prill 1996 në Romë, ceremonia e varrimit u zhvillua në Tiranë.

LEXONI GJITHASHTU: 

• “Pas 30 vitesh internim, liria e pabesueshme”, Mirakaj: Momenti kur takova babin
• “U vesha nuse në kamp, si e njoha partnerin e jetës në internim”- rrëfehet Mirakaj