Rrëfimi i 60-vjeçarit që “jeton” me Futbollin: Ja pse kam besim te trajneri Sylvinho

Ditën e sotme në emisionin “Real People” në Euronews Albania, Ladi, një 60-vjeçar që e simpatizon shumë futbollin, ka treguar se i pëlqen ekipi që ka krijuar Kombëtarja shqiptare nën drejtimin e trajnerit Sylvinho.

Ladi tha se Sylvinho është një trajner shumë i mirë dhe qëndron gjatë gjithë ndeshjes në këmbë, duke u koordinuar me lojtarët.

Ai tha gjithashtu se kishte pritshmëri më të larta për Kombëtaren në dy ndeshjet e fundit, atë me Moldavinë dhe atë me Ishujt Faroe.

“Skuadra e Kombëtares deri këtu ka qenë mirë. Tani të shikojmë. Ndeshja e fundit me Ishujt Faroe nuk më pëlqyen shumë. Doja rezultat më të mirë, pasi Ishujt Faroe janë ekipi i fundit. Edhe me Moldavinë duhet të kishim rezultat më të mirë.

Kam shumë besim te Sylvinjo, qëndron 90 minuta në këmbë. Futbolli ka të bukur pregatitjen fizike, krijohet ai grupi pastaj që nuk e mposht dot. Në shkurt unë mbush 60 vjeç. Dua të shkoj në Gjermani, i kam thënë nipit, se vllai e ka prerë biletën, të shikoj kombëtaren. Të shikoj ça bëhet me biletën.

Punoj edhe në bujqësi, shumë jo por punoj. Me grurë, domate, speca, ullinj kemi. Dua edhe 7 vite të dal në pension. Nuk e kam qejf pensionin, dua të eci prapë, të lëviz. Bashkëshortja s’ka punuar, ka mbaruar shkollën e mesme në vitin 1997”, tha Ladi.

LEXONI GJITHASHTU:

• Shqipëria përballë Italisë dhe Spanjës në Euro 2024, vjen reagimi i Sylvinhos
• “Sylvinho ndër më të mirët, më pëlqen Shqipëria”, trajneri brazilian për Euronews