Rreh kunatën brenda gjykatës, arrestohet në flagrancë 72-vjeçari

Një 72-vjeçar është arrestuar në Gjykatën e Shkallës së Parë të Juridiksionit të Përgjithshëm Shkodër, pasi ushtroi dhunë fizike ndaj kunatës së tij.

Këta shtetas ishin në seancë gjyqësore me objekt caktimin e urdhrit të mbrojtjes për shtetasen 59-vjeçare, e cila kishte denoncuar kunatin e saj për dhunë psikologjike.

Pas dhunës fizike së ushtruar më gjykatë, 72-vjeçari u arrestua në flagrancë ndërkohë që materialet procedurale i kaluan prokurorisë për veprime të mëtejshme.

“Specialistët e Seksionit për Hetimin e Krimeve të DVP Shkodër arrestuan shtetasin P. V., 72 vjeç, banues në fshatin Grudë e Re, Shkodër, pasi në ambientet e Gjykatës së Shkallës së Parë të Juridiksionit të Përgjithshëm Shkodër, ka ushtruar dhunë psikologjike ndaj kunatës së tij, shtetases R. V., 59 vjeçe., banuese në të njëjtin fshat.

Të dy këta shtetas ishin në proces gjyqësor për caktimin e urdhrit të mbrojtjes nga shtetasi P. V., në favor të 59-vjeçares, pasi ky shtetas kishte ushtruar dhunë psikologjike dhe më parë, ndaj kunatës së tij”, njofton policia.

LEXONI GJITHASHTU: 

• Makina përplas këmbësoren, plagoset 55-vjeçarja në Shkodër
• Vrasja e 16-vjeçares nga babai shqiptar në Itali, reagon drejtoresha e shkollës
• Veliaj: Në 19 maj Berisha do sillet forcërisht me policë në gjykatë