Rrëmbimi i policëve në Republikën e Kosovës, reagon njësiti special serb “Kobra”

Komandanti i njësitit special të Policisë Ushtarake të Serbisë, që njihet si ‘Kobra’, ka thënë se pjesëtarët e njësitit të tij nuk janë futur në territorin e Kosovës.

Komandanti serb i është përgjigjur akuzave të kryeministrit të Kosovës, Albin Kurti, i cili tha se, bazuar në prova, pjesëtarët e njësitit “Kobra” dhe ata të njësitit special të Policisë së Serbisë janë futur në territorin e Kosovës javën e kaluar dhe kanë rrëmbyer tre policët e Republikës së Kosovës në Leposaviç.

“Njësiti ‘Kobra’ i Ushtrisë së Serbisë nuk ka qenë i angazhuar në rajonin e Kosovës. Ne angazhohemi me urdhër të kryekomandantit Aleksandar Vuçiç dhe kur ta marrim atë urdhër, atëherë do ta zbatojmë plotësisht”, ka thënë Gjoshiç për “Tanjug”.

Policëve të Kosovës, të cilët u rëmbyen brenda territorit të Kosovës, u është caktuar masa e paraburgimit prej 30 ditëve. Sakaq SHBA dhe BE i kanë bërë thirrje të forta Serbisë që të bëjë lirimin e menjëhershëm të tyre.

LEXO GJITHASHTU: 

• “Kurti do luftë me çdo kusht”- Vuçiç kritika Perëndimit dhe kërkon lirimin e serbëve
• Sulmoi gazetarët në veri të Kosovës, policia arreston të dyshuarin në Leposaviç
• Shqiptarët e Kosovës protestë masive në Austri: Mos mbështesni autokratët