Rrëmbimi i policëve, Sveçla: Fajin kërkojeni te Serbia jo te ne, ka qëllime agresive

Ministri i Brendshëm i Kosovës, Xhelal Sveçla, në një konferencë të përbashkët për mediat me kryeministrin Albin Kurti, reagoi në lidhje me rrëmbimin e tre policëve të Kosovës nga forcat serbe.

Ai theksoi se fajin për këtë e ka Serbia pasi sipas tij kjo e fundit ka qëllime agresive ndaj Kosovës.

Më tej nënvizoi se janë në komunikim me familjarët e policëve të arrestuar.

“Kur një shtet si Serbia ka qëllime agresive, patjetër që  në një moment apo një tjetër ka qëllim me të lënduar. Fajin kërkojeni te Serbia e jo të tre policët e rrëmbyer apo te policia e Kosovës me kapacitetin që ka. Nuk mund të themi që ky rast është shkaku i Kosovës. Është shkak i politikave agresive të Serbisë. Pse i kanë arrestuar shtetasit e Kosovës. Ka shumë shtetas të Kosovës që shfrytëzojnë Serbinë për të kaluar në Evropë. Përsa i takon familjeve, në momentin që është marrë vesh e çfarë ka ndodhur, kemi kontaktuar me familjarët për të shprehur solidaritetin.”- tha Xhelal Sveçla.

LEXONI GJITHASHTU: 

• Albin Kurti: I gatshëm për dialog me Serbinë, por s’mund të shkelë ligjin
• Kurti: Bisedova më Escobar, në kontakt me Serbinë për të vizituar policët e rrëmbyer