Rreth dy milionë fëmijë janë larguar nga Ukraina që prej fillimit të luftës, ndërsa 2.5 milionë janë zhvendosur brenda vendit.

Zyra e Komisionarit të Lartë për të Drejtat e Njeriut (UNCR) dhe UNICEF-i thanë se fëmijët përbëjnë gjysmën e numrit të përgjithshëm të refugjatëve ukrainas.

Rreth 1.1 milionë fëmijë kanë shkuar në Poloni dhe qindra mijëra të tjerë në Rumani, Moldavi, Hungari, Sllovaki, dhe Çeki.

UNCR regjistroi se më shumë se 100 fëmijë janë vrarë dhe 134 janë plagosur gjatë konfliktit.

Agjencitë e OKB-së, së bashku me shoqërinë civile dhe qeveritë do të organizojnë qendra “Blue dot” në vendet ku ka refugjatë. Në këto qendra, familjet mund të kërkojnë informacion, të strehohen, të gjejnë fëmijët që kanë humbur në rrugë, ose të ndihmojnë fëmijët pa prindër.

LEXONI GJITHASHTU:

• Gjermania pret refugjatët ukrainas, mbi 2 mijë pritet të mbërrijnë në total
• Refugjatët ukrainas në Serbi gëzojnë të drejta si qytetarët serbë