Rreth 250 mijë shqiptarë votojnë në 11 maj, Celibashi: Buxhet shtesë 7,5 mln euro

Regjistrimi i votuesve të diasporës u mbyll zyrtarisht 2 ditë më parë më  294 155 individë që shprehën interesin për t’u regjistruar, nga të cilët 245 975 arritën të regjistrohen. 48 180 zgjedhësve nga jashtë nuk iu është pranuar kërkesa për regjistrim.

Kryekomisioneti Ilirjan Celibashi në një komunikim me mediat nga KQZ të premten tregoi se buxheti shtesë për votën e diasporës i aplikuar për herë të parë në një palë zgjedhje në Shqipëri përllogaritet të kushtojë rreth 7.5 milionë euro.

Kjo shifër sipas tij, pasi numri i të regjistruarve i kaloi pritshmëritë që ishin tek rreth 100 mijë dhe pasi qeveria vendosi të paguajë për postën në marrjen dhe dërgimin e zarfit me fletën e votimit nga emigrantët.

Celibashi paraqiti disa të dhëna interesante për votuesit e diasporës, ku rezulton se votuesi më i vjetër i regjistruar është 98 vjeç, ndërsa një shtetas ka aplikuar 25 herë përpara se të arrinte të regjistrohej.

LEXONI GJITHASHTU:

• Vota e diasporës, Celibashi flet për regjistrimet: Nuk ka shtyrje përtej 9 marsit
• LVV-ja merr shumicën dërrmuese të votave të diasporës