Rreth 30 mijë qytetarë do përfitojnë pension më të lartë, ja ligji i miratuar

Rreth 30 mijë qytetarë në vend do të përfitojnë pension më lartë, pasi do t’u njihen vitet e punës pa dokumente. Komisoni i Ligjeve ka miratuar ligjin që prek ish-punonjësit e ndërmarrjeve shtetërore dhe kooperativave.

Vitet e punës, të cilat për arsye të ndryshme nuk kanë dokumente, do të njihen për efekt pensioni. Nga ndryshimet ligjore përfitojnë të gjithë ata që kanë punuar në ndërmarrjet shtetërore e kooperativa nga mosha 18 vjeç, deri në momentin kur ato janë mbyllur.

Olta Manjani, zëvendësministre e ekonomisë, kulturës dhe inovacionit shpjegoi se, për shkak të problematikave në grumbullimin e dokumentacionit para vitit 1994, periudha të konsiderueshme vjetërsie, nuk janë konfirmuar dhe nuk janë njohur, duke sjellë edhe refuzimin e kërkesave për caktim pensioni.

Komisioni i Ligjeve ka miratuar ndryshime ligjore, të cilat prekin rreth 30 mijë individë në të gjithë vendin.

LEXONI GJITHASHTU:

• Pensionistët sërish në protestë: Duam rritje jo bonus dy herë në vit
• Rama fajëson qeverisjen e PD për pensionet: Skemat e pensioneve ngrihen me shekuj