Rrezikoi jetën e pushuesve, bllokohet skafi. Drejtuesit i vihen 2 gjoba

Policia Kufitare bllokoi një skaf në Ksamil pasi drejtuesi i këtij mjeti lundrues shkeli perimetrin e sigurisë duke rrezikuar jetën e pushuesve.

Atij iu vendosën dy gjoba 10 dhe 100 mijë lekë të reja për rrezikun që iu kanosi plazhistëve dhe sepse i mungonte dokumentacioni i nevojshëm.

Njoftimi i policisë:

Shërbimet e Policisë Kufitare Sarandë, në vijim të kontrolleve përgjatë vijës bregdetare të Sarandës, në kuadër të masave të marra për mbarëvajtjen e sezonit turistik, kanë konstatuar në plazhin e Ksamilit, një mjet lundrues tip skaf, duke lundruar brenda zonës së kufizuar për mjetet lundruese. Për këtë shkelje, drejtuesi i mjetit lundrues u ndëshkua me masën administrative 100 000 lekë të rinj. Gjithashtu, ky drejtues është ndëshkuar edhe me masën administrative 10 000 lekë të rinj, pasi ka patur mungesë në dokumentacionin në bordin e mjetit.

Në përfundim, mjeti lundrues u bllokua në PKK Port Sarandë.

LEXONI GJITHASHTU:

• 16 mjete lundruese të bllokuara nga Shëngjini në Kavajë, gjoba deri në 1 milion lekë
• Departamenti i Drejtësisë i SHBA-së padit Teksasin, shkak barrierat lundruese