Rreziku i zgjedhjeve pa reformë. Juristët: Do të sjellë konflikte

Në zgjedhjet e shkuara vetëm 3 deputetë arritën të thyenin vullnetin e kryetarit të Partisë dhe nga fundi i listët, të fitonin mandatin.

Për këtë atyre ju desh të merrnin 10 mijë vota, për të thyer atë që quhet herësi.

Por më vonë Gjykata Kushtetuese e konsideroi të lartë këtë prag, dhe e shfuqizoi duke i detyruar palët në Kuvend të shkruajnë rregulla të reja.

Por këto rregulla nuk u shkruan kurrë, dhe hyrja në këto kushte në zgjedhje, për ekspertët është e rrezikshme.

“Kjo do patjetër një rregullim ligjor nga ana e ligjvënësit, sepse përndryshe futja në zgjedhje me këtë kod zgjedhor, i vë edhe palët në vështirësi dhe KQZ-në e re në vështirësi,-tha Bledar Skënderi, ish-anëtar i KQZ.

“sa herë kemi pasur procese zgjedhore gjithmonë kemi pasur edhe konflikte dhe prishje të paqes sociale në vend. kjo mund të fusë KQZ-në në një rrugë pa krye, se nuk është detyra e saj të gjejë herësin”,-tha juristi Bledar Dervishaj.

PS mbron tezën se herësi është zero e lista 100% e hapur nëse nuk plotësohet Kodi, ndërsa segmente të opozitës mund të kërkojnë që t’i ruhet e drejta që 1/3 e listës të jetë e mbyllur.

Herësi u aplikua për herë të parë në vitin 2021, si një mënyrë e kombinimit të të drejtës së kryetarit të partisë për të renditur kandidatët, por edhe e votuesit për të treguar të preferuarin brenda partisë.