Familjarët e viktimave të 21 janarit kanë kundërshtuar vendimin e SPAK për kalimin e çështjes për kompentencë në Prokurorinë e Tiranës. Ky ankim i tyre nuk është pranuar nga Gjykata e Posaçme e Apelit.
Vendimi është marrë në dhomë këshillimi nga gjyqtarja Igerta Hysi.
Familjaret e viktimave të 21 janarit kanë kërkuar që dosja të merret në dorë nga SPAK, sepse nuk kanë besim të Prokuroria e Tiranës, mirëpo Prokuroria e Posaçme ka shpallur moskompentencë jo vetëm për padinë e tyre të depozituar më 16 shkurt, por edhe atë të bërë nga Ministria e Drejtësisë dhe Partia Socialiste për 21 janarin.
Kreu i SPAK, Dumani, ka deklaruar se SPAK është në pritje se çfarë do të dalë nga hetimet e Prokurorisë së Tiranës, për të marrë ndërmarrë hapa të mëtejshëm.
Ai thekson se në rast se nga hetimet do të konstatohet ekzistenca e ndonjë vepre penale apo subjekt në kompetencë hetimi, atëherë dosja do të merret në dorë nga vetë SPAK, siç ata kërkojnë.
Këto kallëzime të reja erdhën si rezultat e një audio përgjimi të pretenduar që xhaxhai i Aleks Nikës, Mark Nika, ka thënë se ia ka dhënë gazetarit, ku sipas tyre rezultojnë të dhëna të reja si dhe fjalë konkrete të të kallëzuarit Ndrea Prendi gjatë zhvillimit të kësaj ngjarje dhe del në pah më së miri dhënia e urdhrave për të shtënë me armë zjarri ndaj protestuesve, urdhra të cilët nisin nga persona të tjerë, funksionarë të lartë shtetërorë siç janë të kallëzuarit e tjerë, ish-kryeministri, Sali Berisha dhe ish-ministri i Brendshëm, Lulzim Basha.
LEXONI GJITHASHTU:
- Çfarë po heton SPAK? Zbardhet dosja që çoi në aksionin ndaj MEK
- Avokati: SPAK dyshon për organizatë kriminale brenda kampit të muxhahedinëve