Rritja e çmimeve ka prekur dhe muajin Prill. Sipas të dhënave të INSAT, Indeksi i Çmimeve të Konsumit në muajin Prill 2025, arriti 119,8 kundrejt muajit Dhjetor 2020.
Ndryshimi vjetor i indeksit të çmimeve të konsumit në muajin Prill 2025 është 2,3 %, një vit më parë ky ndryshim ishte 2,1 %. Ndryshimi mujor i indeksit të çmimeve të konsumit në muajin Prill 2025, krahasuar me Mars 2025 është 0,1 %.
Ndikim ka patur sektori i bujqësisë që ka ecur me ndikime negative, duke bërë që inflacioni të arrij në 2.3% në prill, niveli më I lartë në 15 muaj.
Rritja vjetore e çmimeve në muajin Prill është ndikuar kryesisht nga grupi “Ushqime dhe pije joalkoolike” me +1,29 pikë përqindje, pasuar nga grupi “Mobilje, pajisje shtëpie dhe mirëmbajtje e shtëpisë” me +0,24 pikë përqindje. Gjithashtu, çmimet e grupit “Qira, ujë, lëndë djegëse dhe energji” ndikuan me +0,22 pikë përqindje, “Pije alkoolike dhe duhan” me +0,19 pikë përqindje.
Krahasuar me muajin Prill 2024, rritja më e madhe e çmimeve vërehet në grupin “Argëtim dhe kulturë” me 6,3 %, pasuar nga grupet “Pije alkoolike dhe duhan” me 3,9 %, “Ushqime dhe pije joalkoolike” me 3,8 %.
LEXONI GJITHASHTU:
- Konklava më e kontestuar në histori, Papa që bleu votat dhe ndau Amerikën
- Nis zhvendosja e automjeteve të parkuara në itinerarin e garës “Giro d’Italia”