Rritja e pagave/ Malaj: Sektori privat të reflektojë të njëjtin trend me atë publik

Ministri i Financave, Petrit Malaj në një konferencë me gazetarët, u shpreh sot në lidhje me hendekun e pagave mes sektorit privat dhe atij publik dhe aksionin që ka marrë qeveria në këtë drejtim.

Ai tha se përcaktimi i nivelit të pagave në sektorin privat rregullohet me Kodin e Punës dhe është çështje politikash që ndjekin punëdhënësit por sipas tij sektori privat duhet të reflektojë të njëjtin trend që po ndjek edhe ai publik në lidhje me rritjen e pagave nëse do që të mbetet konkurrues në ekomoninë shqiptare.

“Unë gjykoj që të dyja nismat paralelisht, pra presioni pozitiv që po bën qeveria në aspektin e rritjes së pagave në sektorin publik, sikundër dhe lufta kundër informalitetit do të japë një rezultat pozitiv për sektorin privat. Ajo që duhet të kuptohet është se sektori privat duhet të reflektojë të njëjtin trend që po ndjek dhe sektori publik nëse do që të mbetet konkurrues në ekonominë shqiptare”, tha Malaj.

Ministri Malaj sqaroi se “bonusi i pranverës” për pensionistët do të përcaktohet me rishikimin e buxhetit për vitin 2024, ndërsa rishikimi i këtij buxheti do të bëhet brenda dhjetorit.

LEXONI GJITHASHTU:

• Të vetëpunësuarit rimarrin paratë, Malaj: Kësti që paguan në tatime do kthehet
• Nga 1 janari pensionistët udhëtojnë falas me urban, rregullat si funksionon