Rritje me mbi 400% e rasteve me koronavirus në Kosovë

Numri i të infektuarve në dy javët e fundit të qershorit është rritur për më shumë se 400% në Kosovë, në krahasim me dy javët e para të të njëjtit muaj, shkruan Radio Europa e Lirë.

Sipas shifrave, më 28 qershor, mbi 30 për qind e testeve kanë dalë pozitive.

Ministria e Shëndetësisë e Kosovës paralajmëron se do t’i mobilizojë kapacitetet spitalore dhe se do të bëjë gjurmimin dhe testimin e rasteve të reja pozitive me koronavirus.

Zyrtarë të Ministrisë së Shëndetësisë thonë se “është e pritshme që në Kosovë të shënohen edhe më shumë raste në ditët në vijim”, duke qenë se në vendet e rajonit ka po ashtu rritje.

Në bazë të të dhënave të kësaj ministrie, të publikuara më 1 korrik, numri i rasteve aktive në Kosovë aktualisht është 730.

Përqindja e rasteve të reja pozitive i është afruar edhe më 1 korrik 30-përqindëshit.

Në qarkullim besohet se është varianti Omicron i koronavirusit, i cili përhapet më shpejt, por shkakton simptoma kryesisht më të lehta.

LEXONI GJITHASHTU:

• Ulet çmimi i naftës në Kosovë
• 1 viktimë dhe 553 të infektuar me COVID-19 në 24 orët e fundit