Rryshfet për të kthyer patentat e bllokuara para kohe, GJKKO lë në burg dy efektivët

Gjykata e Posaçme e Shkallës së Parë për Korrupsionin dhe Krimin e Organizuar (GJKKO) ka lënë në burg dy efektivët e Policisë Rrugore, Eljo Picoku dhe Amarildo Lika.

Nga hetimet e zhvilluara nga Agjencia e Mbikëqyrjes Policore (AMP) dhe Prokuroria e Posaçme (SPAK) rezulton se disa qytetarë kane paguar shuma të ndryshme parash.

Këto shuma varionin deri në 1500 euro për të terhequr lejen e drejtimit të bllokuar për shkelje të ndryshme të qarkullimit.

E gjithë skema e abuzimit dhe korrupsioni në rradhët e policisë rrugore u zbulua pas procedimi ndaj një tjetër punonjësi policie, Eduart Cakës dhe shtetasit Alkid Ndreu vitin e kaluar. Në dosjen hetimore thuhet se nëse patenta ishte pezulluar për 3 muaj rimarrja e saj kushtonte 500 euro, ndërsa për 6 muaj 1000 euro.

LEXONI GJITHASHTU

• “900 €! Më pak s’bëhet”- Si efektivët kthenin patentat e bllokuara, i fundos Tik Tok
• Patenta shkon 85 mijë lekë, Blendi Gonxhe: Do paguajnë tamam, jo më shumë
• Dyfishohet çmimi i patentës, nga marsi 85 mijë lekë. Gonxhe: Eliminojmë sekserët