Rubio: Trump mund të takohet me Zelenskyn, synon marrëveshje paqeje me Putinin

Presidenti i Shteteve të Bashkuara, Donald Trump, pritet të zhvillojë një takim me Presidentin ukrainas Volodymyr Zelensky javën e ardhshme në Nju Jork, gjatë sesionit të 80-të të Asamblesë së Përgjithshme të Kombeve të Bashkuara, deklaroi Sekretari i Shtetit i SHBA-së, Marco Rubio.

Me anë të këtij takimi synohet të ndërmjetësohet një marrëveshje paqeje midis Kievit dhe Moskës, tha Rubio.

Trump ka kërcënuar vazhdimisht me sanksione Rusisë, ndërkohë Presidenti Vladimir Putin nuk bën kompromis. Por ai nuk i ka zbatuar premtimet edhe pse Rusia ka shtuar sulmet, duke frustruar Ukrainën, shkruaan The Times of Izrael

Trump ka pasur “telefonata të shumta me Putinin, takime të shumta me Zelenskyn, përfshirë ndoshta javën tjetër përsëri në Nju Jork”, ku udhëheqësit po mblidhen për Asamblenë e Përgjithshme të OKB-së, u tha Rubio gazetarëve në Izrael.

“Ai do të vazhdojë të përpiqet. Nëse paqja është e mundur, ai dëshiron ta arrijë atë. Në një moment, presidenti mund të arrijë në përfundimin se kjo nuk është e mundur. Ai nuk është ende atje, por mund të arrijë në atë pikë,” është shprehur Rubio.

Sekretari, përmendi gjithashtu një shifër të cituar më parë nga Trump, duke thënë se Rusia humbi 20,000 ushtarë në luftime vetëm në korrik. Ai shtoi se Trump ishte unik në aftësinë për të folur me Putinin, si dhe me Zelenskyn dhe evropianët.

“Nëse ai do të shkëputej disi nga kjo, ose do të sanksiononte Rusinë dhe do të thoshte: ‘Mbarova’, atëherë nuk ka mbetur askush në botë që mund të ndërmjetësojë fundin”, thotë Rubio.

LEXONI GJITHASHTU:

• E akuzuar për spiunazh, nis në Prishtinë gjykimi i punonjëses serbe të OSBE-së
• Sulm masiv rus në Zaporizhzhia të Ukrainës: Një i vdekur dhe 13 të plagosur