‘Uli ritmin e protestës’, Qafoku: Rudina foli se është e bija e Azem Hajdarit

Analisti Roland Qafoku ishte i pranishëm në Euronews Albania, duke komentuar drejtpërdrejt protestën e 12 nëntorit.

Pas fjalimit të ish-deputetes Rudina Hajdari, Qafoku tha se ajo pati vend për fjalim sepse është e bija e Azem Hajdarit dhe jo sepse ka spikatur në politikë.

“Azem Hajdari vazhdon të ketë ata që akoma e kujtojnë dhe historinë e tij e kanë akoma në mendje. Një pjesë aty me informacionet që kam janë dhe pjesë e grupimit të dhjetorit 1990, kështu që janë këto sentimentalizmat, por nuk është se ngjalli diçka. Protesta me këto fjalime po e humbet pak ritmin,” – u shpreh analisti.

Protesta nisi pak pas orës 16:00 që u lajmërua fillimisht. Sali Berisha nuk u prononcua për mediat, ndërsa Ilir Meta u bëri thirrje qytetarëve të bashkohen, ndërsa qeverinë e porositi të mos provokojë.

Policia është mobilizuar bashkë me Forcat Speciale, ndërsa kryeministria u blindua që para fillimit të tubimit.

LEXONI GJITHASHTU:

• Protestës u bashkohen edhe ‘të vjetrit’, e pranishme Jozefina Topalli
• “Më kujtoni babain”, përlotet Rudina Hajdari, flet për Azemin në protestë