Rumania kundër ndarjes së RMV-së nga Shqipëria për negociatat

Ministri i Punëve të Jashtme në Maqedoninë e Veriut, Bujar Osmani ka pritur në një vizitë zyrtare në Shkup, homologun rumun Bogdan Auresku.

Gjatë konferencës për shtyp, Osmani u shpreh se nuk ka një paralajmërim nga Bashkimi Europian për ndarjen e Maqedonisë së Veriut nga Shqipëria, në lidhje me hapjen e negociatave.

Sipas tij, ndarja në këtë proces nuk do të ishte as në interes të Shqipërisë.

Nga ana tjetër, ministri Auresku deklaroi se Rumania nuk e mbështet ndarjen e proceseve integruese të Maqedonisë së Veriut dhe Shqipërisë.

Pak ditë më parë, kryeministri Edi Rama deklaroi pas një vizite në Berlin ku u takua me kancelarin Olaf Sholc, se Shqipëria do të kërkonte ndarjen nga RMV nëse Bullgaria nuk i heq veton.

LEXONI GJITHASHTU

• Rama për Euronews Albania: S’jam optimist për heqjen e vetos nga Bullgaria
• Rama: Në qershor presim negociatat ose ndahemi nga RMV