Avokati Gentian Rumano tha për “Review” në Euronews Albania se ka një presion të madh ndaj SPAK-ut dhe kjo e detyron të çojë për hetim dosje të cilat nuk janë hetuar dhe aq mirë.

Sipas tij kjo është më e rëndësishme se të arrestojë 1 apo 2 persona për të bërë bujë.

“Nga ana e SPAK deri sot që flasim nuk është bërë një akt ekspertimi përsa I përket ndërtimit të veprës, ndërtimit të inceneratorit në qytetin e Fierit , nuk ka përfunduar, ndoshta mund të ketë përfunduar më mbrapa se jam larguar unë nga çështja apo ta kenë patur dhe nuk e kanë dorëzuar për ta parë si material provash nga ana e mbrojtjes, por deri në atë moment nuk ka patur nga ana e prokurorisë një akt ekspertimi të tillë,” – u shpreh Rumano.

Sipas tij ky akt ekspertimi do të vërtetonte nëse paratë janë marrë dhe kanë shkuar për ndërtimin e veprës apo diku tjetër.

“Për aq kohë sa nuk ka një hertim të thelluar nga ana e SPAK-ut, unë e konsideroj të nxituar arrestimin e personave,” – tha avokati.

LEXONI GJITHASHTU:

• Avokati: Hetimi për iceneratorët i cekët, para drejtësisë vetëm supervizorët privatë
• Çështja e inceneratorëve, Spartak Ngjela: Do e zgjidhë Washingtoni