Rusia mund të mos paguajë borxhin e jashtëm për herë të parë që nga viti 1917

Rusia nuk ka mundur të shlyejë pagesat e interesit të borxhit të jashtëm të dielën, që ishte përcaktuar edhe si afati kohor.

Kjo rrit mundësinë që Rusia mund të mos paguajë borxhin e saj të jashtëm për herë të parë që nga Revolucioni Bolshevik i vitit 1917, shkruan Euronews.

Moska duhej të paguante një shumë prej 100 milionë dollarësh në interesa për dy eurobonde.

Një veprim i tillë do ta largonte më tej vendin nga sistemi financiar global në mes të luftës në Ukrainë.

Rusia po vuan ende sanksionet ekonomike të vendosura nga vendet perendimorë, për shkak të pushtimit të Ukrainës.

Megjithatë, vendi ka fituar 93 miliardë euro nga eksportet e naftës, gazit dhe qymyrit në 100 ditët e para të luftës kundër Ukrainës.

Të ardhurat janë rritur më shumë në mars, megjithatë përpjekjet e perëndimit për të bllokuar tregtinë, çka tregon se lëndët djegëse vazhdojnë të financojnë makinerinë luftarake ruse.

LEXONI GJITHASHTU

• Dita e dytë e samitit të BE-së, diskutime për ekonominë europiane
• Putin dhe Xi Jinping dakordësohen për rritjen e bashkëpunimit ekonomik