Rusia po i paguan dronët iranianë me ndihmë bërthamore, thotë Zelensky

Presidenti ukrainas, Volodymyr Zelensky beson që Rusia mund të jetë duke paguar dronët iranianë me ofrim të ndihmës për programin bërthamor të Iranit.

Zelensky ka përsëritur kërkesën e tij ndaj Izraelit për pajisje për mbrojtje raketore, “Kupola e Hekurt”, tha ai , duke iu adresuar një konference të organizuar nga e përditshmja izraelite, Haaretz, shkruan REL.

“Ushtria ukrainase është duke mposhtur rusët në fushëbetejë, mirëpo fatkeqësisht, ne nuk kemi Kupolat tona të Hekurta. Ne ende nuk kemi një sistem raketor efektiv dhe modern që do të siguronte hapësirën tonë ajrore”, theksoi presidenti.

“I ka gjetur në Iran. Kam një pyetje për ju: Si e paguan Rusia Iranin, sipas mendimit tuaj? A është Irani i interesuar në para? Me siguri që jo, por në ndihmën ruse për programin bërthamor të Iranit”, ka thënë ai.

Moska dhe Teherani kanë hedhur poshtë zërat për marrëveshje për armët, mirëpo ka të dhëna që qindra dronë që Rusia ka nisur mbi Ukrainë, janë të prodhuar apo dizajnuar nga Irani.

LEXONI GJITHASHTU

• Sulmet masive ruse synojnë rrjetin energjetik të Ukrainës, thotë Zelensky
• Mercenarë turq për të luftuar për Rusinë? Video që po qarkullon në rrjet
• Rusia përgatitet për ofensivën ukrainase në Kherson