Sako: Nuk ia kërkova Vangjush Dakos të më mbështesë në zgjedhje

Emirjana Sako, kryetarja e Bashkisë Durrës dhe kandidatja e PS për një mandat tjetër në këtë bashki tha në emisionin Now në Euronews Albania se nuk i kërkuar Vangjush Dakos ta mbështesë në zgjedhje.

Ajo u shpreh se Dako ka dalë në terren se ka detyrime ndaj qytetarëve që e kanë mbështetur gjatë kohës kur drejtonte bashkinë.

“Dako ka qenë kryetar për 12 vjet, kam një njohje personale me gjithë kolegët që kanë drejtuar bashkinë, që nga Lefter Koka, Miri Hoti, për Dakon kam respekt të veçantë se kam punuar për disa vite me të. Ai nuk ka asnjë rol politik në fushatë, besoj se ka një detyrim ndaj socialistëve të Durrësit se e kanë mbështetur kur ka qenë kryebashkiak. Të njëjtën gjë do bëja edhe unë. Fushata në Durrës drejtohet nga Ardian Çela, nuk e kujtoj kur ka qenë hera e fundit që jam takuar me të. Unë kam kërkuar mbështetjen e PS, deputetët janë mbështetje e madhe dhe kryetari i PS”, tha Sako.

LEXONI GJITHASHTU:

• Përmbytjet në Durrës, Sako: Jap garanci që nuk do ndodhë më
• Sako apo Cara? Lavdrim Lita: Durrsakët të paparashikueshëm