Drejtuesi politik i PD në qarkun e Elbasanit, Ervin Salianji ka sjellë në emisionin Now me Erla Mëhillin disa raste analoge, krahasuar me atë të mënyrës së si ish-kryeministrit Sali Berisha i është caktuar masa arrest shtëpie.

Sipas tij, SPAK ka vepruar me dy standarde, sepse në rastin e Arben Ahmetaj ose Saimir Tahirit, fillimisht kanë përfunduar hetimet e më pas është vendosur masa e sigurisë. Ndërsa për ish-kryeministrin Berisha është vendosur në mënyrë direkte që ai të kalojë në  arrest shtëpie, pa u ezauruar faza e hetimeve.

“ E mbani medn rastin e zotit Tahiri, ku Këshilli i Mandateve vendosi me votat e PS që duhej të sillej si gjykatë që të shihej ishte i fajshëm ose jo, u rrëzuan provat. Bijmë tek rasti i Arben Ahmetaj, prokuroria erdhi me një dosje me 700 faqe hetim, për të përligjur kërkesën për heqjen e imunitetit. Tek rasti zotit Berisha e vetmja gjë që solli Prokuroria ishte prepotenca e tyre.  Keni parë rast tjetër të ngjashëm që të mbyllet tjetri në shtëpi, pa u mbyllur hetimi, nuk dihej cila ishte akuza. Tjetra, keni parë rast tjetri që të kalohet direkt tek kryeministri pa kaluar në persona të tjerë, po me kë e ka bërë ky këtë veprim? A ka një grup personash të tjerë që e kanë çuar cështjen deri aty? Pra ka një nxitim dhe një target për ta vendosur, për shkak të funksionit të zotit Berisha. Ky është një rast që e dëmton SPAK në perceptimin e publikut.”-u shpreh Salianji.

LEXONI GJITHASHTU:

• “Berishës s’ka shanse t’i zbutet masa”, Manjani: Duhet hetuar për çështje të tjera
• Kontakti i Berishës me Prokurorët, Gjokutaj zbulon çfarë ndodhi dje brenda SPAK