Samiti i NATO-s, Trump flet me Zelensky-n për Iranin: Nëse duhet, do t’i shkatërrojmë

Donald Trump u takua me Volodymyr Zelenskyn gjatë Samitit të NATO-s në Ankara, ndërsa gjatë deklaratave të tij komentoi edhe situatën me Iranin, duke paralajmëruar se SHBA-ja mund të godasë objektiva strategjike nëse kjo konsiderohet e nevojshme.

“Nuk po sulmojmë në nivelin më të lartë. Objektivat e nivelit më të lartë janë urat dhe centralet elektrike, aty ku prodhohet energjia. Nëse do të jetë e nevojshme, do t’i shkatërrojmë. Nuk dua ta bëj këtë, por nëse duhet, do t’i shkatërrojmë”, u shpreh Trump.

Ai shtoi se një natë më parë ishte goditur Ishulli Kharg, duke pretenduar se ishte dëmtuar një pjesë e tij. Sipas Trump, ai kishte urdhëruar që të mos prekej infrastruktura e naftës, pasi, sipas tij, SHBA-ja mund të marrë nën kontroll ishullin.

“Thashë: ‘Mos prekni naftën’, sepse ndoshta do ta marrim nën kontroll Ishullin Kharg. Ata nuk mund të bëjnë asgjë për ta ndaluar këtë. Zakonisht nuk jam i tillë, por ata e meritojnë vërtet”, deklaroi ai.