Nikola Sanduloviç, politikani i opozitës serbe, ishte këtë të enjte në një intervistë për “Good Morning Albanians”, ku foli për dhunën barbare të ushtruar ndaj tij nga shërbimet sekrete të Serbisë.
Sanduloviç tha se ai vazhdon të jetë në gjendje jo të mirë fizike pasi ana e djathtë i ka mbetur e paralizuar, ndërsa shpreson se javën e ardhshme do të nisë një terapi disi më të fortë.
“Shëndeti im për fat të keq është akoma në nivel jo shumë të mirë. Unë kam akoma shumë dhibmje. Ana e djathtë vazhdon të jetë e paralizuar. Gjatë gjithë kohës unë jam me terapi. Kam marr ilaçe. Nga java tjetër shpresoj se do jem në gjendje të bëj një terapi më të fuqishme”,-tha ai.
Kujtojmë se Nikola Sanduloviç u dhunua barbarisht për disa orë për shkak se vendosi lule te varri i vajzës së mitur, Blerina Jashari e cila mbeti viktimë gjatë sulmit kundër familjes së Adem Jasharit në Prekaz.
