Santiago Bernabeu mirëpret klasiken Real–Barcelona, “Los Blancos” cilësohen favoritë

Të dielën, vëmendja e gjithë botës është në Madrid, konkretisht në Santiago Bernabeu aty ku do të luhet një ndër përballjet më spektakolare të botës së futbollit, klasikja mes Realit dhe Barcelonës.

Sfida e shumëpritur nga të gjithë, nis në orën 16:15 dhe pritet me interes të jashtëzakonshëm nga çdo sportdashës.

Forma e të dyja ekipeve është tejet pozitive, por miqtë nga Barcelona vijnë me disa mungesa kryesore, mes tyre emrat si Raphinha, Lewandowski, Gavi dhe Olmo.

Në kampin vendas situata është më e mirë sa i përket grupit, ku mungesat e vetme janë ato të Alaba e Rudiger, pjesa tjetër janë të gjithë në dispozicion të Xabi Alonsos.

Sfida në fjalë karahas rivalitetit historik vlen shumë dhe për renditjen aktuale, ku madrilenët udhëheqin kampionatin me 24 pikë, 2 më tepër se katalanasit, ndërsa një fitore e këtyre të fundit do të përmbyste rendin.

Duke parë mungesat, formën e lojtarëve apo dhe faktorin fushë, favoritë për fitimin e sfidës janë los blancos.

Në 5 ballafaqimet e fundit mes tyre në kampionat, bilanci është 3-2 në favor të Barcelonës, e cila vetëm në dy sfidat e fundit mes tyre në këtë kompeticion ka shënuar 8 gola.

LEXONI GJITHASHTU:

• Champions League/ Fitore të rëndësishme për Real Madrid, Chelsea dhe Liverpool
• Barcelona fiton në sekondat e fundit ndaj Gironës, Arauho heroi i ndeshjes