Presidenti rus Vladimir Putin nuk do ta fitojë luftën në Ukrainë, tha kancelari gjerman Olaf Scholz në ditën e fundit të Forumit Ekonomik Botëror në Davos të Zvicrës.
“Putin nuk duhet ta fitojë këtë luftë”, tha Scholz gjatë fjalës së tij. “Dhe jam i bindur se nuk do të fitojë. Ai që tani ka dështuar në përmbushjen e të gjitha objektivave të tija strategjike”.
Scholz ritheksoi mbështetjen e aleatëve perëndimorë ndaj Ukrainës dhe se Putini nuk mund të lejohet të diktojë kushtet e një lufte që zanafillën e pati prej tij.
Fjala e tij vjen pas katër ditë bisedimesh mes liderëve dhe biznesmenëve në rang global, ku lufta në Ukrainë dhe kriza ushqimore mbizotëruan si temat kryesore.
Mbledhja e përvitshme në Alpet e Zvicrës ishte pezulluar dy herë për shkak të pandemisë.
Një sërë zyrtarësh ukrainas, përfshi dhe Ministri i Jashtëm Dmytro Kuleba dhe kryebashkiaku i Kievit Vitali Klitchko, qenë gjithashtu të pranishëm për të përçuar mesazhin e fushatës së tyre mbi dëbimin e forcave ruse.
Klitchko tha për Euronews se ‘negociatat me presidentin rus i përkasin së shkuarës’.
“Nuk ka më kuptim të bisedohet me Putin”, tha ai. “Ai nuk është një person i shëndoshë pasi ashtu qe dhe vendimi i tij për të ndërmarrë një luftë në botën moderne, apo të kesh idenë e marrë për të ringritur Bashkimin Sovjetik”.
LEXONI GJITHASHTU