“S’e harrojmë Çelësin e Tiranës që ju dha Bregoviç”, kostumografja: Zhgënjeu Kosovën

Kostumografja Ilirjana Basha komentoi gjetjet e Barometrit në Euronews Albania në Shqipëri dhe Kosovë lidhur me opinionin e shqiptarëve në të dy anët e kufirit mbi bashkimin kombëtar.

Ajo u shpreh kategorikisht kundër idesë për krijimin e një kombi kosovar, ndërsa theksoi se bashkimi kombëtar është ëndrra e saj më e madhe që dëshiron ta shohë të bëhet realitet.

“Dy gjëra që për mua si shqiptare e Kosovës janë shumë shqetësuese është pyetja sa e dëshironi bashkimin kombëtar dhe përgjigjja e shqiptarëve të Kosovës se besoj se para 10 vjetësh po ta kishin bërë të njëjtën pyetje në Kosovë do ishte 90 për qind pro. Unë mendoj se kanë filluar të lodhen pak shqiptarët e Kosovës. Unë e kam bërë vetë atë që quhet turizmi patriotik në vitet 2000, kur të vetmit turistë në Shqipëri ishin shqiptarët e Kosovës, ishin shumë gjëra që i linin të pakënaqur, nuk ishte mikpritja, çmimet. Ka qenë një ndikim tjetër ai çelësi i Goran Bregoviçit që s’na hiqet neve kurrë, që ka ndikuar shumë dhe tani po ndikon një grupacion dhe jam absolutisht kundër idesë së tyre për krijimin e një kombi kosovar. Ne jemi të gjithë shqiptarë. Unë shpresoj që ta përjetoj sa jam gjallë bashkimin kombëtar”, tha ajo.

LEXONI GJITHASHTU:

• “Bashkimi kombëtar, shkalla më e lartë e patriotizmit”/ Danaj thirrje politikanëve
• A janë në kundërshti integrimi në BE me bashkimin kombëtar? Mendimi i shqiptarëve