Kuvendi i Shqipërisë mblidhet sot në seancë plenare ku pritet të jetë një ditë e gjatë për deputetët dhe një seancë e mbushur me tensione për shkak të çështjeve të parashikuara për diskutime.

Në këtë seancë do të diskutohet për kërkesën e bërë nga kryetari i grupit parlamentar të PD, Enkelejd Alibeaj për Interpelancë urgjente me kryeministrin Edi Rama për përmbytjet në Shkodër.

Pika më e debatueshme e ditës së sotme pritet të jetë projektligji për projektin e investimit strategjik “Marina & Jahtet e Durrësit”.

Diskutimet janë parashikuar të zgjasin rreth 6 orë ku, siç ka njoftuar më parë kryeministri Edi Rama, pritet të japë sqarime të hollësishme lidhur me këtë projekt të kundërshtuar nga e gjithë opozita.

LEXONI GJITHASHTU:

• Porti i Durrësit, Berisha: Kompania gjermane kërcënon me arbitrazh, rrezikohet gjobë
• Porti i Durrësit projekt mafioz, Meta: Gjithçka bëhet për të fituar nga apartamentet