“Sekreti, kush sugjeroi Silvinjon”- Rama rrëfehet në Itali, parashikimi për ndeshjen

Në prag të ndeshjes me Italinë, kryeministri Edi Rama ka dhënë një intervistë për mediat italiane, ku ka rrëfyer përjetimet dhe pritshmëritë nga kombëtarja shqiptare e futbollit.

Si një tifoz i Italisë, Rama u shpreh se është hera e parë që ai shpreson që kombëtarja italiane të humbasë në një ndeshje të kampionatit evropian.

Shefi i qeverisë tha se shpreson që ndeshja të dalë barazim, pasi për kuqezinjtë do të shihej si fitore.

Më pas kryeministri ndau dhe disa nga momentet më emocionese të kombëtares në rrugëtimin drejt Euro2024, personin që u sugjeroi Silvinjon si trajner të Kombëtares, si dhe talentin kuqezi që do t’u sugjeronte klubeve italiane.

Intervista e plotë e kryeministrit Rama:

Mirëmëngjes zoti Rama, Itali-Shqipëri vlen këtë herë për Kampionatin Evropian: çfarë efekti ka tek ju?

“E pabesueshme. Do të jetë hera e parë në jetën time që shpresoj që Italia të mos e bëjë fitojë një ndeshje në Kampionatin Evropian. Por gjithsesi do të funksiononte për mua shumë mirë një barazim, i cili megjithatë për kuqezinjtë tanë, do të ishte një fitore. E di që për Azzurrët, barazimi me Shqipërinë do të ishte fillimi i një gjyqi ndaj Spallettit. Por, për fat të keq, Italisë nuk mund t’i uroj asgjë më shumë se një barazim”.

Çfarë duhet të kemi frikë nga Shqipëria? Dhe, sipas jush, si përfundon ndeshja?

“Duhet t’i frikësohemi supremacisë së qartë të Shqipërisë në tribuna, ku sigurisht fitojmë, frymës së hakmarrjes të djemve të Sylvinhos dhe faktit që skuadra jonë nuk ka më asgjë për të humbur. Mund të përfundojë në çdo rast, por, duke qenë se Italia nuk shkëlqen pothuajse kurrë kur fillon një turne, shpresoj për një barazim.”

Cili lojtar i kombëtares italiane do të dëshironit t’i bashkohej ekipit shqiptar?

“Donnarumma, pa asnjë dyshim”.

A do të shkosh në stadium apo do ta ndjekësh në TV?

“Sigurisht, do të shkoj në stadium.”

Keni ndonjë ritual të veçantë për të parë ndeshjet e Shqipërisë?

“Jo”.

Cila ndeshje ju emocionoi më shumë në grupe? 

“Kjo është kombëtarja shqiptare me lojën më të mirë që mbaj mend. Dolëm të parët në grup duke bërë gjithmonë futboll të mirë dhe, nganjëherë me një lojë emocionuese”.

Ku është pritja më e madhe për ndeshjen? Tirana?

“Nuk është vetëm Tirana që e pret. Ky evropian është si dasma e fëmijës së vetëm. Me kombëtaren e Shqipërisë është edhe populli shqiptar i Kosovës, Maqedonisë së Veriut dhe të gjitha pjesëve të botës. Tifozët janë lojtari i dymbëdhjetë! Ka 10 milionë zemra në gjithë botën dhe në Dortmund do të jetë një ortek kuq e zi”.

Nëse Shqipëria do të fitonte, si do të festonin në vendin tuaj?

“Si në tuajin… por kur ju fituat Kupën e Botës”.

Nëse Shqipëria do të eliminohej nga Europiani dhe Italia ecte përpara, do të bëheshe tifoz me Italinë?

“Gjithmonë Itali”.

Në Shqipëri janë dhjetë futbollistë që luajnë në Itali dhe tre nga katër komisionerët e fundit teknikë, nga viti 2011 deri sot. Sa është ndikimi i futbollit italian në atë shqiptar? Dhe sa shumë këto marrëdhënie futbolli kanë përmirësuar marrëdhëniet shoqërore mes dy vendeve?

“Me De Biasin kemi ardhur për herë të parë në një kampionat evropian. Reja bëri një tranzicion të vështirë, por grumbulloi më shumë pikë se të gjitha kompeticionet e mëparshme.

Kombëtaret shqiptare para De Biasit bashkohen. Më mirë të mos flasim për Panuccin. Por unë do t’ju them një sekret: këshilla e një tjetër italiani të madh peshoi shumë në zgjedhjen e Sylvinhos. Ai është Roberto Mancini. Futbolli italian ishte parajsa jonë kur ne jetonim në ferrin komunist. Zërat e Sandro Ciotti-t dhe Bruno Pizzul-it patën një efekt të papërshkrueshëm tek ne, duke mos u ndjerë vetëm në atë vrimë të zezë. Dhe ne e ndjemë Kupën e Botës në duart e Dino Zoff sikur të ishte edhe në duart tona”.

Si janë marrëdhëniet mes italianëve dhe shqiptarëve në këto tridhjetë vjetët e fundit? Dhe si e gjykoni?

“Jemi një popull i ndarë buzë detit, por i bashkuar në gjithçka për pjesën tjetër. Ngjashëm si dy pika e uji në merita dhe defekte”.

Cilat klishe do të fshinit nga preceptimi italian ndaj shqiptarëve?

“Nuk më duket se ka mbetur diçka për të fshirë. Kohët e errëta të kriminelit shqiptar sipas definicionit janë tashmë pas nesh”.

Rikthehemi tek futbolli, si ju duket Spalletti?

“Kam pasur privilegjin ta njoh dhe e shoh të jashtëzakonshëm nga ana njerëzore. Pastaj flet historia për cilësitë e tij si trajner”.

A do ta dëshironit në stolin e Juventusit?

“Mosmarrja e tij do të ishte dh është  një turp, por ndoshta një ditë po ai do të ulet në atë stol. Ai ai është ende i ri”.

Në përçarjen që ka përfshirë tifozët e Juventusit: pro dhe kundër Allegrit, cilën anë mbani?

“Ai shkroi historinë e Juventusit. Ndarja nga Allegri nuk ndodhi me të gjithë nderimet që trajneri do të kishte merituar: kjo nuk është një shenjë e mirë për një klub me shumë momente emocionuese në historinë e tij, nuk duhet të harrohen mësimet e shkëlqyera të stilit të Avokatit Agnelli”.

A ju pëlqen Thiago Motta?

“Pritjet nga ai janë të shumta, dhe talenti i tij është i padyshimtë. Shpresoj që ai të arrijë përballaojë presionin e madh te një klubi si Juventus.

Cilin lojtar të kombëtares shqiptare do të rekomandonit?

“Mario Mitaj, një mbrojtës i krahut njëzet vjeçar me këmbën e majtë të shijshme”.

Është më e lehtë për Juventusin të rikthehet dhe të fitojë kampionatin këtë vit, apo që Shqipëria mund Italinë?

“Kjo pyetje më bën të buzëqesh… Në këtë pikë do të thosha se është është më e vështirë për Juventusin të fitojë Scudetto sesa Italia të mposhtet nga Shqipëria”.

LEXONI GJITHASHTU:

• Kuqezinjtë përballë kampionëve në fuqi të Europës, luhet sot ndeshja Shqipëri-Itali
• VIDEO| Atmosferë elektrizuese në Dortumund, tifozët Kuq e Zi dhurojnë spektakël