Emilton Kala dhe Klodjan Deda janë arrestuar ditën e sotme në Mirditë pasi janë kapur duke kultivuar bimë narkotike.

Në kuadër të këtij operacioni janë shpallur në kërkim Adrian Zgara alias Ilir Laska alias Ilirian Laska dhe Gazmir Ahmet Lika.

Nga hetimet dyshohet këta shtetas kanë kultivuar 1900 bimë narkotike dhe 650 fidanë narkotikë (në kubikë), në afërsi të përroit të Karmës, në fshatin Përshqesh.

Në Kurbin, shërbimet e Policisë, gjatë kontrollit të territorit, bazuar dhe në inteligjencën policore, në pyjet e fshatit Shëmri, Kurbin, gjetën 3 parcela ku ishin kultivuar 151 bimë narkotike cannabis sativa.

Arber Kasmi dhe Skënder Bajraktari. I shpallur në kërkim: Ali Bajraktari

Si rezultat i hetimeve u identifikuan organizatorët e këtij rasti kultivimi, shtetasit Skëndër Bajraktarti 46 vjeç dhe Arbër Kasmi, 35 vjeç, vëllezër, të dy banues në Kurbin. Në vijim u bë e mundur kapja dhe arrestimi i 46-vjeçarit, ndërsa vijon puna për kapjen e shtetasit Bajraktari.

Gjithashtu, për këtë rast u referuan materialet në Prokurori, ku nisi procedimi në gjendje të lirë, për veprën penale “Shpërdorimi i detyrës”, për kryetarin e fshatit Shëmri, shtetasin B. K., 52 vjeç.

Më tej, shërbimet e Komisariatit të Policisë Kurbin, në bazë të informacioneve nga inteligjenca policore, në Milot, gjetën disa bimë të tjera narkotike cannabis sativa, si dhe identifikuan dhe vunë në pranga autorin e dyshuar të kultivimit të tyre, shtetasin A. K., 24 vjeç.

Megaoperacioni kombëtar “Territor i pastër” vijon.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

LEXONI GJITHASHTU: 

• Ç’po ndodh me Kate Middleton, shëndeti i Princeshës së Uellsit i mbuluar nga misteri
• Skandali me mikro-kreditë, prokuroria e Tiranës urdhër-arrest për 9 persona