Sekuestrohen steka me cigare, lëndë piroteknike dhe mallra kontrabandë në Durrës

Një 44-vjeçar është arrestuar nga policia e Durrësit, pasi gjatë kontrolleve në dyqanin e tij u zbulua se tregtonte steka me cigare të kontrabanduara.

Ndërkohë që një hetimnë gjendje të lirë ka nisur dhe për pronarin e një dyqani tjetër të cilit iu gjetën në biznes paketa me cigare të kontrabanduara

Materialet në ngarkim të tyre i kaluan prokurorisë së Durrësit për veprime të mëtejshme.

“U arrestua në flagrancë shtetasi E. Xh., 44 vjeç, banues në Durrës, pasi gjatë kontrollit në dyqanin e tij, u gjetën dhe u sekuestruan dhjetëra steka me cigare të dyshuara të kontrabanduara;

U referuan materialet në Prokurori dhe nisi procedimi në gjendje të lirë për shtetasin E. S., 35 vjeç, banues në Durrës, pasi gjatë kontrollit në dyqanin e tij, u gjetën dhe u sekuestruan paketa me cigare, pako me fishekzjarre, cigare elektronike dhe parfume, mallra këto të dyshuara të kontrabanduara.

Materialet procedurale i kaluan Prokurorisë pranë Gjykatës së Shkallës së Parë Durrës, për veprat penale “Kontrabanda për mallra për të cilat paguhet akcizë”, “Tregtimi dhe transportimi i mallrave që janë kontrabandë” dhe “Ruajtja ose depozitimi i mallrave kontrabandë”, thuhet në njoftimin e policisë.

LEXO GJITHASHTU:

• EMRAT/ Ishin mbajtur 3 muaj nën vëzhgim, kush janë mjekët që merrnin para në QSUT
• Arrestohen dy mjekë në QSUT, merrnin ryshfet për kryerjen e skanerit
• A do të hetojë Kongresi Amerikan Ramën? Republikanët letër FBI-së për McGonigal