Sekuestrohet 1.5 kg lëndë narkotike e ardhur nga Kanadaja, arrestohet 23-vjeçari

Policia e Tiranës ka arrestuar një 23-vjeçar i cili u pak me një sasi prej  1 kg e 54 gramë lëndë narkotike kanabis në trajtë xhelatine që dyshohet se ka ardhur nga Kanadaja.

Në kuadër të operacionit të koduar “Shape” u vu në pranga në rrugën 5 Maji shtetasi D. C., 23 vjeç, banues në Dibër.

Gjatë kontrollit fizik ndaj këtij shtetasi dhe kontrollit në banesën e tij, shërbimet e Policisë kanë gjetur 1 kilogramë e 54 gramë lëndë narkotike kanabis në trajtë xhelatine,  me vlerë rreth 10 000 euro.

Nga hetimet dyshohet se lënda narkotike është trafikuar nga Kanadaja.

Vijojnë hetimet për dokumentimin e plotë të kësaj veprimtarie kriminale dhe identifikimin e shtetasve të tjerë që mund të jenë të përfshirë.

Materialet procedurale iu referuan Prokurorisë, për veprime të mëtejshme.