Selenicë, tradita ndër dekada e kultivimit të rrushit dhe bërjes së rakisë

Fshatrat e bashkisë së Selenicës janë të njohura prej dekadash për kultivimin e rrushit. Kjo traditë, siç tregojnë edhe vetë fermerët, është trashëguar brez pas brezi. Fermerët shprehen të kënaqur me çmimin me të cilin shesin verën dhe rakinë, teksa theksojnë se tregu për produktet e tyre nuk mungon.

Krahas zhvillimit të teknologjisë, e cila ka ndihmuar ndjeshëm në prodhimin e verës dhe rakisë duke rritur rendimentin dhe duke lehtësuar punën e çdo fermeri, në zonë ka ende shumë fermerë që e prodhojnë rakinë në mënyrë artizanale. Në këto fshatra takojmë sot një prej tyre, i cili ruan traditën duke prodhuar rakinë me kazan.

Me qindra familje në fshatrat e bashkisë së Selenicës jetojnë nga kultivimi i rrushit dhe prodhimi i verës dhe rakisë. Edhe pse numri i tyre është ulur ndjeshëm nga viti në vit, kjo traditë vazhdon të trashëgohet brez pas brezi, duke kontribuar në zhvillimin e ekonomisë lokale të zonës.

LEXONI GJITHASHTU:

• BBC Travel: Shqipëria në traditat kulinare, gjyshet transmetojnë receta shekullore
• Artizanati dhe polifonia, lazaratasit rijetësojnë traditat për tërheqjen e turistëve