Serbia do vijojë miqësinë me Moskën dhe Pekinin, thotë Vuçiç

“Serbia do të vazhdojë miqësinë me Rusinë dhe Kinën”. Kështu deklaroi presidenti i Serbisë Aleksandër Vuçiç, në një takim me ambasadorin e Rusisë në Beograd, Aleksandër Kharchenko.

Vuçiç nënvizoi se Serbia do të ruajë partneritetet dhe marrëdhëniet tradicionale me Moskën dhe Pekinin.

Në takim u diskutua edhe për bashkëpunimin ekonomik mes Serbisë dhe Rusisë.

Presidenti serb shtoi se shumë shpejt do të nisin bisedimet mes dy shteteve për kontratat e reja të furnizimit me gaz.

Serbia votoi kundër Rusisë në Organizatën e Kombeve të Bashkuara. Në lidhje me këtë vendim, Vuçiç u shpreh se Serbia ka dashur të abstenojë nga votimi për pezullimin e Rusisë nga Këshilli për të Drejtat e Njeriut i Kombeve të Bashkuara, por për shkak të presionit u votua pro rezolutës.

Së fundmi Serbia ka blerë edhe armë nga Kina.

LEXONI GJITHASHTU:

• Vuçiç: Blerja e armëve nga Kina është legjitime
• Serbia votoi kundër Rusisë në OKB, Vuçiç: Po na shantazhojnë