Serbisë duhet t’i ushtrohet më shumë trysni për të pagjeturit, thotë Konjufca

Kryetari i Kuvendit të Kosovës, Glauk Konjufca deklaroi se Serbisë duhet t’i ushtrohet më shumë trysni në lidhje me çështjen e të pagjeturve të luftës.

Konjufca nuk shpreson se Serbia do të hapë territorin e saj për të kryer hulumtime dhe gërmime, shkruan Kosova Pres.

“Ne si institucione duhet të bëhemi bashkë edhe me familjaret që të bëjmë gjithçka që t’i bëhet trysni më e madhe Serbisë meqenëse sa e kam vërejtur mënyrën si ka shkuar procesi i negociatave me Serbinë, nuk kam shpresë që Serbia do të hapë territorin e saj për hulumtimin dhe gjetjen e personave të zhdukur me dhunë”, tha Konjufca.

Deklaratën e tij, Konjufca e bëri këtë të mërkurë gjatë homazheve ndaj 376 civilëve të vrarë të masakrës në Mejës, në Kompleksin Memorial “Lëndina e pikëllimit”.

LEXONI GJITHASHTU

• Hoti: BE të kushtëzojë Serbinë, të pagjeturit të mos trajtohen politikisht