“S’është problem i sistemit”- Shehaj: Çfarë e përcakton garën elektorale në Shqipëri

Deputeti i Agron Shehaj është shprehur se problemi që partitë e vogla politike e kanë të vështirë të garojnë në zgjedhjet në Shqipëri, nuk qëndron te sistemi zgjedhor.

Komentet Shehaj i bëri në emisionin “Now me Erla Mëhillin” në Euronews Albania, ku tha se janë paratë ato që e përcaktojnë garën elektorale në Shqipëri.

Ai tha se parti të ndryshme në Shqipëri garojnë në kushte të ndryshme, ku formacionet kryesore politike kanë edhe burimet më të mëdha të parave që përdorin në fushatë.

“Rezultatet e SPAK i shohin të gjithë. Po të shikosh, të gjithë do të dalin para drejtësisë. Po të shohësh si vepron me njerën palë, ku kap kokat e mëdha dhe çfarë bën me palën tjetër, që pak drejtorët e ministrave, zv.ministrave, etj, aty e shikon që ka një problem.

Por unë nuk jam këtu që të ngarkoj me përgjegjësi SPAK-un. Ne jemi politikanë, duhet të japim zgjidhje politike. Ne duhet të flasim për thelbin. Pritshmëria është shumë e madhe. SPAK duhet ta bëjë punën e vetë dhe ta mbështesim. Por ne jemi politikanë dhe duhet të flasim për thelbin e problemit. Arsyeja pse të tjerët para meje kanë dështuar, nuk ka qenë sistemi elektoral.

Kemi 30 vite që flasim për sistemin. Ata nuk kanë dështuar se emigrantët nuk votonin dot, ata kanë dështuar sepse nuk garonin në të njëjtat kushte. Sepse ajo që ndikon në mënyrë përcaktuese, janë paratë që aktorët politikë hedhin në fushatë elektorale”, thotë Shehaj.

LEXONI GJITHASHTU:

• Bojkoti i zgjedhjeve në 4 komunat në veri të Kosovës, Osmani: Presion nga Beogradi
• Mbahen zgjedhjet më të mëdha në botë, rreth 1 miliardë njerëz votojnë në Indi