Kuvendi rinis sot punën me ndryshime në grupet parlamentare

Në orën 10:00 do të nisë sesioni i pestë të legjislaturës së 10 në Kuvendin e Shqipërisë. Kjo rinisje e punimeve të Kuvendit vjen me ndryshime në grupet parlamentare.

Demokratët kanë vendosur në ndryshimet ne statutin e tyre që kryetari i grupit të jetë kryetari i Partisë për sa kohe janë në opozitë, nga ana tjetër Gazment Bardhi ka njoftuar nesër një takim me Berishën dhe grupin e mbështetësve të tij për një bashkim mes tyre. Edhe socialistët do të kenë një emër të ri në krye të grupit parlamentar; ai do të jetë Bledi Çuçi.

Nga java e parë e shtatorit e në vijim, në fokus të diskutimit do të jenë një serë projektligjesh të rëndësishme, disa prej tyre të mbartura nga sesioni i kaluar. Ligji për bashkëpunëtorët e ish-sigurimit, do të jetë prioritet.

Një pikë shumë e rëndësishme është zgjedhja e emrit të ri të Avokatit të Popullit, pasi në mazhoranca dhe opozita nuk gjetën dakordësi gjatë vitit të kaluar. Procedura do të rinisi edhe njëherë nga e para. Dy nisma të tjera të rëndësishme që do të jenë prioritet për qeverinë janë edhe  amnistia fiskale dhe pasaportat e arta. Pavarësisht se të dyja propozimet  janë kundërshtuar nga ndërkombëtarët, Socialistët  shprehen të vendosur për t’i shkuar deri në fund zotimit të tyre.

Në kuadër të zgjedhjeve vendore të 14 Majit, në këtë sesion të ri parlamentar pritet të mos mungojnë as debatet mes forcave politike.

LEXONI GJITHASHTU:

• Burimi: Berisha pa vulë e pa logo dhe prapë është më mire se Basha
• Bardhi thërret mbledhjen e përbashkët të grupit parlamentar demokrat