Sezoni gripal konsiderohet i kaluar nga ekspertët e shëndetit publik. Tashmë numri i infeksioneve me grip apo viruseve të tjera është i ulët. Por kur gjithçka është qetësuar Instituti i Shëndetit Publik bën me dije se ky, ka qenë një vit i pazakontë dhe i vështirë për popullatën.
“Ka qenë një vit i pazakontë dhe i vështirë për shkak të viruseve të shumta që kanë qarkulluar”,-tha Silva Bino.
Paralel me viruset gripale në qarkullim ka qenë dhe është edhe Covid 19.
“Aktualisht ne kemi Covid, por format janë të lehta. Ka edhe shtrime në spital nga Covidi”,-tha Silva Bino, nga ISHP.
Ndryshe nga sezonet e shkuara, këtë vit ISHP, ka mundur të sigurojë diagnostikim të detajuar për 27 infeksione repiratore.
Këtë vit sezoni i gripit u zgjat në kohë pothuajse deri në mesin e pranverës ku kishte numër të lartë të prekurish ,por ekspertët thonë se raste sporadike me grip mund të hasen edhe gjatë stinës së verës.
LEXONI GJITHASHTU:
- Prokurorët Europianë hetojnë porosinë 20 mld € të Von der Leyen për vaksinat e COVID
- Covid-19/ Vaksinat ulën me 57% vdekjet. OBSH: U shpëtuan 1.4 milionë jetë në Europë
