Një media investigative në SHBA ka zbuluar se një firmë marketingu e quajtur “Cox Media Group”, kliente e së cilës është dhe kompania e rrjeteve sociale “Meta”, dëgjon bisedat private të milionave qytetarëve, duke përdorur mikrofonat e smartfonëve të tyre.
Sipas investigimit të “404 Media”, kjo firmë zotëron një softuer të quajtur “Dëgjimi Aktiv”, e cila përmes mikrofonit të një smartfoni arrin të grumbullojë bisedat e qytetarëve dhe i përpunon nëpërmjet Inteligjencës Artficiale.
Kjo bëhet me qëllim për t’u shfaqur përdoruesve në platforma të ndryshme, reklama që lidhen me kërkesat dhe dëshirat e tyre të shprehura gojarisht.
Po ashtu, kjo firmë marketingu arrin të shohë në kohë reale dhe kërkimet më të fundit të qytetarëve në telefonat e tyre.
Që nga publikimi i këtyre të dhënave të frikshme, Google ka hequr këtë firmë marketingu nga ‘Programi i Partnerëve’, ndërsa Meta pretendon se “Cox Media Group” është në shqyrtim. Nga ana tjetër, Amazon mohoi se CMG ishte partneri i saj.
LEXONI GJITHASHTU:
- Ekspertët francezë: Fëmijët të mos përdorin smartfonë para moshës 13 vjeç
- Fëmijët 4 orë para smartfonit, psikologia: Dëmton sytë e rrit rrezikun për depresion
