SHBA-ja këshillon Ukrainën që të mos nisë tani një ofensivë të re

Zyrtarë të lartë amerikanë po e këshillojnë Ukrainën që të mos nisin një ofensivë të madhe kundër forcave ruse derisa të arrijnë furnizimet e fundit me armatim amerikan dhe të ofrohen trajnime, tha të premten një zyrtar i lartë i administratës së presidentit Joe Biden.

Zyrtari, që foli me një grup gazetarësh në kushte anonimiteti, tha se Shtetet e Bashkuara nuk dëshiron që tani t’i ofrojë Ukrainës tanke Abrams, në mes të kundërthënieve me Gjermaninë lidhur me tanket.

Presidenti Joe Biden, që ka miratuar një paketë të re armësh prej 2.5 miliardë dollarësh për Ukrainën, u tha gazetarëve në Shtëpinë e Bardhë, “Ukraina do të marrë të gjithë ndihmën që i duhet”. Kështu deklaroi presidenti amerikan kur u pyet nëse mbështet qëllimin e Polonisë që të dërgojë në Ukrainë tanke Leopard të prodhimit gjerman.

Bisedimet e SHBA-së me Ukrainën lidhur me çdo kundërofensivë kanë qenë në kontekstin që ukrainasit të stërviten fillimisht për armët që do të marrin nga SHBA-ja, tha zyrtari.

Zyrtarët amerikanë besojnë se ukrainasit do të ishin më të suksesshëm nëse fillimisht trajnohen të përdorin armatimet e reja, shkruan REL. Të enjten,

LEXONI GJITHASHTU:

• Ambasadori ukrainas: Kemi nevojë tani për tanke gjermane
• Biden zotohet se Ukraina do të marrë të gjithë ndihmën që i nevojitet