SHBA nënshkruan një marrëveshje prej 2.5 miliardë dollarësh me Kenian

Shtetet e Bashkuara kanë nënshkruar një marrëveshje shëndetësore prej 2.5 miliardë dollarësh me Kenian, marrëveshja e parë e tillë dypalëshe që kur Shtetet e Bashkuara nën presidencën e Trump reduktuan ndihmën ndërkombëtare.

Zyrtarët e administratës Trump kanë theksuar se kjo marrëveshje është e para në një seri marrëveshjesh me qeveritë e vendeve në zhvillim, të cilave do t’u kërkohet të marrin përsipër disa nga kostot dhe të bashkëpunojnë me Uashingtonin për çështje të tjera.

Sekretari i Shtetit i SHBA-së, Marco Rubio nënshkroi marrëveshjen në Uashington me presidentin kenian, William Ruto, të cilin e përgëzoi për ndihmën që Nairobi po i ofron Haitit, një vend në Karaibe i prekur nga dhuna e bandave.

“Nëse pesë ose dhjetë vende do të ishin të gatshme të angazhoheshin dhe të bënin qoftë edhe gjysmën e asaj që Kenia ka arritur tashmë, do të ishte një arritje e jashtëzakonshme”, tha Rubio.

Sipas marrëveshjes, SHBA-të do të sigurojnë 1.6 miliardë dollarë gjatë pesë viteve për Kenian për të luftuar HIV/AIDS-in dhe malarien, si dhe për të marrë masa parandaluese të poliomelitit. Kenia do të kontribuojë me 850 milionë dollarë shtesë dhe është zotuar të marrë gradualisht më shumë përgjegjësi.

LEXONI GJITHASHTU:

• Vrasja e shqiptares në Itali, arrestohet autori i dyshuar! U gjet i plagosur në pyll
• Lista Serbe merr pushtetin në komunat në veri të Kosovës