Vrasja e shqiptares në Itali, arrestohet autori i dyshuar! U gjet i plagosur në pyll

Autoritetet italianë kanë arritur të vënë në pranga autorin e dyshuar të vrasjes së 49-vjeçares shqiptare, Sadjide Muslija në Ankona. Nazif Muslija u arrestua pasi u zbulua nga një gjuetar në një zonë të pyëllëzuar pasditen e së enjtes.

50-vjeçari është gjetur i plagosur rëndë ndërsa dyshohet se ai ka tentuar t’i japë fund jetës. Ndaj tij rëndojnë akuzat se është autor i gruas së tij e cila u gjet e vdekur në banesën e saj me plagë nga dhuna e ushtruar ndaj saj.

Zyra e Prokurorit të Ankonës kishte lëshuar urdhër arresti ndërkombëtar për Muslijën, i cili pas vdekjes së gruas së tij ishte zhdukur dhe nuk ishte paraqitur në punë duke rritur akoma më shumë dyshimet se ai është autori i vrasjes.

Muslija ishte larguar me një makinë “Smart”, ndërsa telefoni i tij ishte i fikur që nga pas ngjarjes. Ai rezulton i dënuar më parë për dhunë në familje dhe ishte arrestuar në prill pasi kishte sulmuar gruan me sëpatë. Gjithashtu bëhet me dije se çifti ishin rikthyër bashkë kohët e fundit.

LEXONI GJITHASHTU:

• Kombëtaret me sytë nga shorti i Botërorit, hidhet pasditen e sotme
• Serbia arreston një shqiptar, pretendon se iu gjet një flamur i UÇK-së