Shehaj denoncon mbylljen e biznesit: Rama përdor policinë për kundërshtarët politikë

Deputeti i Partisë Demokratike, Agron Shehaj ka akuzuar kryeministrin Edi Rama me forcën e Policisë së Shtetit po ushtron presion ndaj tij, duke i mbyllur bizneset.

Me anë të një videoje të publikuar në rrjetet sociale, Shehaj shkruan se policia për herë të katërt, pa asnjë vendim gjykate, ka mësyrë në biznesin e tij dhe ka nxjerrë me forcë jashtë punonjësit.

Për Shehajn, ky është një shantazh politik i Ramës, por që atë nuk do e ndalë nga të bërit opozitë.

“Për herë të katërt, pa asnjë urdhër dhe pa asnjë vendim gjykate, policia politike e Edi Ramës ka mësyrë sërish bizneset e mia duke terrorizuar dhe nxjerrë me forcë jashtë punonjësit. Do të vazhdoj të them të vërtetën dhe të denoncoj çdo aferë ku është përfshirë Kryeministri dhe qeveria”, thotë Shehaj.

Përplasja mes Shehajt dhe policisë nisi në fundin e vitit të shkuar, ku Shehaj kundërshtoi vendimin e policisë për ta nxjerrë biznesin e tij nga një godinë e cila ishte pjesërisht pa leje.

LEXONI GJITHASHTU:

• Mos gënje për Ramën, Felaj debat me Shehajn: Berisha në dijeni për paratë ruse
• Agron Shehaj nxjerr dokumentin: Faktet e implikimit të Ramës me ish zyrtarin e FBI